Bacillus Clausii

Пробиотиктер қашан тағайындалады

Осындай препараттардың тағайындалуының ең жиі кездесетін себебі ― фондық бактерияға қарсы ем. Шын мәнінде, ішек микробиоценозы осындай ем аясында қатты зардап шегеді. Кейбір деректер бойынша, кейбір антибиотиктер курсынан кейінгі бактероидтердің, бифидо және лактобациллалардың теңгерімінің қалпына келуі екі-төрт жылдарға дейін созылуы мүмкін ^[1-2]. Ал осы теңгерімнің бұзылуы, бұрынғы мақалаларда айтқанымыздай, аллергия, аутоиммундық аурулардың пайда болуы қаупінің артуына және жергілікті иммундық жауаптың бұзылуына әкеліп соғуы мүмкін.

Бірегей бацилла

Споралары пробиотикалық препарат болып табылатын Bacillus clausii биоэнтеросептиктердің топ бөлігіне жатады. Қалыпты жағдайда берілген бацилла ішек флорасының құрамында кездеспейді, бірақ, адам ағзасына енген кезде белсенді түрде зиянды бактериялардың патологиялық өсуін басып, ішектің облигатты (өзіндік пайдалы) флорасының мөлшерінің артуын қолдайды және шамамен 30 күннен кейін өз шаруасын аяқтап, өз бетімен ағзадан толықтай шығады.

Бациллалар тұқымында 77 микроағзаның түрі бар. Олардың арасында аса қауіпті және өте пайдалысы бар ^[1].

Бірақ осы микробтардың маңызды айрықша ерекшеліктерінің бірі жағымсыз сыртқы ортаның әсеріне тұрақты өмір формалары – споралар түзу мүмкіншілігі болып табылады. Бациллалардың дәл осы шеберлігі Bacillus clausii бірегей ағза қылады. Споралар асқорыту жолының агрессиялық факторларының химиялық шабуылынан өзгеріссіз өтеді және асқазан-ішек жолының нағыз керек бөлімдерінде өсіп, одан кейін өзінің микрофлораны қалпына келтіру бойынша миссиясын атқарады.

B. clausii пайдасы

Спора өскеннен кейін одан бацилланың өзі пайда болады. Ағзада тіршілік ету кезінде ол қандай қызмет атқарады? Ол белсенді еңбек етеді және төмендегілерді жинақтайды:

• Ас қорыту ферменттері (амилаза мен липаза);
• Алмастырылмайтын амин қышқылдары;
• B2 дәрумені;
• Бактерияға қарсы заттар (сондықтан да B.clausii биоэнтеросептиктерге жатады ― патогенді флора дамуын басады);
• Арнайы жергілікті иммуноглобулиндердің, интерферондардың және цитокиндердің өндірілуін күшейтеді ^[1].

Және әрине, Bacillus clausii ең маңызды ерекшеліктерінің бірі оның полиантибиотиктерге төзімділігі болып табылады. Ол бактерияға қарсы емнің алғашқы күнінен бастап бацилланың негізгі төрт штамы негізінде пробиотиктерді қабылдауды бастауға мүмкіндік береді. B.сlausii барлық төрт штамының көптеген антибиотиктерге тұрақтылығының кең спектрі бар: пенициллин, цефалоспориндер, аминогликозидтер, канамицин, тобрамицин, амикацин, макролидтер, тетрациклин, рифампицин ^[1].

Қашан қабылдау қажет?

Негізгі себеп ― ересектер мен балалардың антибиотикпен байланысты іш өтуінің алдын алу және емдеу.

B.clausii негізіндегі препаратты қолдану балаларға 4 аптадан бастап беруге рұқсат етіледі.

Бірақ басқа этиологиясы бар дисбактериоз да емге жақсы беріледі.
Бациллалардың споралары сыртқы ортаның әсерлеріне тұрақты, сақтауды жақсы көтереді және сондықтан құрамында осы заттар бар пробиотиктерді сапарларға шыққанда бірге алуға қолайлы. Әсіресе, кішкентай балалары бар отбасылар үшін маңызды. Өйткені, пробиотикалық препарат ретінде осы микроағзалардың қауіпсіздік профилі өте жоғары. Бірақ, әртүрлі препараттардың құрамына кіретін тура сол микроағзаның азды-көпті тиімді болатындығын естен шығармау маңызды, өйткені, бактерияның мөлшері мен белсенді штамы маңызды. Bacillus clausii үшін белсенді және қауіпсіз штаммдар O/C, NR, T және SIN Bacillus clausi болып табылады. Берілген штаммдар антибиотикке төзімділік гендерін патогенді және шартты-патогенді микроағзаларға бермейді, ал ол өте маңызды аспект болып табылады.

Сондықтан, егер сізденемесе балаңызда дисбактериоздың белгілері пайда болса және дәрігер сізге Bacillus clausii негізіндегі препаратты жазып берсе, сіз уайымсыз қауіпсіз, дәлелденген тиімді препаратты қабылдап жатқандығыңызға сенімді болуыңызға болады.